ඕපනායක අකරැල්ල විද්‍යාලයට විදුහල්පතිවරයෙක් ඇතුළු ගුරු මණ්ඩලයේ හිගයක් පවතින බව පවසමින් දරුවන්ගේ දෙමාපියන් අද (27) දින විරෝධතාවයක් පවත්වනු ලැබුවා.
එමෙන්ම ක්‍රීඩා භාණ්ඩ,ආපන ශාලාවක්,පුස්තකාලයට අවශ්‍ය පොත් පත්, දරුවන්ට අවශ්‍ය පෙළ පොත් නොමැති බවටයි දෙමාපියන් මෙහිදී චෝදනා කළේ.
පැය හයක කාලයක් පුරා ඕපනායක – අකරැල්ල හරහා උඩරංවල ප්‍රධාන මාර්ගය සම්පූර්ණයෙන්ම අවහිර කරමින් අදාළ විරෝධතාවය පැවැත්වුණා.
මේ හේතුවෙන් එම මාර්ගයේ ගමනාගමන අද (27) දින පෙරවරු 07.30 සිට පස්වරුව දක්වාම සම්පුර්ණයෙන්ම වසා දමා තිබූ බවයි අප වාර්තාකරු සදහන් කළේ.
එම ස්ථානයට ඕපනායක පොලිසියේ නිලධාරීන් පැමින විරෝධතාකරුවන්ට මාර්ගය අවහිර නෙකෙරන ලෙස ඉල්ලා සිටියා.
විරෝධතා කරුවන් පොලිසියට පැවැසුවේ තම දරුවන්ගේ අනාගතය වෙනුවෙන් එම විරෝධතාවයේ නියලෙන බවත් අධ්‍යාපන බලධාරියෙක් එම ස්ථානයට පැමිණ තමන් සමග සාකච්ඡාවක් පවත්වන තුරු විරෝධතාවය අත් නොහරින බවයි.
