යකඩ කූරකින් හා පිහියකින් පහර දී අඹු – සැමි යුවලකට තුවාල සිදු කළ පිය -පුතු දෙපලක් අත්අඩංගුවට ගැනීම සදහා විමර්ශනයක් ආරම්භ කර ඇති බව මාදම්පේ පොලීසිය පවසනවා.
අප ප්රාදේශීය වාර්තාකරු පැවසුවේ; සිද්ධියෙන් තුවාල ලබා ඇති මාදම්පේ ඇහැලලන්ද – ගල්මුරුව ප්රදේශයේ පදිංචිකාරියක් වන අධිකාරී මුදියන්සේලාගේ සුසන්තා මාලනී යන අය ප්රතිකාර සඳහා හලාවත මහා රෝහලට ඇතුළත් කර ඇති අතර, සුළු තුවාල ලබා ඇති ඇයගේ ස්වාමි පුරුෂයා ප්රතිකාර ලබා රෝහලෙන් පිටත්ව ගොස් ඇති බවයි.
ඊයේ (11) පෙරවරු 10.30 ට පමණ මෙම පහර දීම සිදු වී තිබෙනවා.
දුරකතනයක් පිළිබඳ ව ඇති වූ කතාබහක් පහරදීමට හේතුව බව පොලීසිය පවසනවා.
සැකකාර පියා මුලින්ම තුවාලකාරියගේ නිවස අසලට පැමිණ ආරවුල ඇති කරගෙන ඇති බවත්,පසුව සැකකාර පියා – සහ පුතා එක්ව යකඩ පොල්ලකින් සහ පිහියකින් පහරදීම සිදු කර ඇති බවත් සිදු කරන ලද විමර්ශනවලදී අනාවරණය වී ඇති බවයි පැවසෙන්නේ.
සිද්ධියෙන් පසුව සැකකාර පිය – පුතු දෙදෙනා ප්රදේශය අතහැර පලා ගොස් තිබෙනවා.
ඔවුන් අත්අඩංගුවට ගැනීම සදහා විමර්ශනයක් ආරම්භ කර ඇති බවයි මාදම්පේ පොලිසිය පැවසුවේ.
