දුර්ගා පූජාව ඉන්දියාවේ ප්රධාන සාම්ප්රදායික උත්සව අතරින් එකකි.
සැප්තැම්බර් ඔක්තෝබර් මාසවල දින දහයක් පුරා පැවැත්වෙන මෙම උත්සවය ශරදෝත්සව, දුර්ගෝත්සව වශයෙන් ද හැඳින්වේ.
දුර්ගා දේවතාවිය විසින් මහිෂාසුරයා පරදවනු ලැබීම සමරන්නට මෙන්ම ඇයට වන්දනාමාන කරන්නට ද මෙම උත්සවය පැවැත්වෙන බැව් කියැවෙයි.
කාජල් ඇගේ මව තනුජා සහ සොයුරිය තානීෂා දුර්ගා මාතාව කෙරෙහි මහත් භක්තියක් දක්වති. හැම වසරේම ඔවුන් දුර්ගා පූජාව පවත්වන ආකාරය සහිත ඡායාරූප මාධ්යවල පළ වෙන්නේය.
මෙවර කාජල් රෝස පැහැති සාරියකින්, වැඩ දැමූ හැට්ටයකින් සහ ගෙලටම හිර වූ අලංකාර මාලයකින් සැරසී දුර්ගා මාතාවගේ පිළිරුව අබියස සිට ගන්නා ලද ඡායාරූප මාධ්යවල පළ වී තිබිණි.
පූජා භූමියේදී ඇයට ඇගේ මාමලා දෙදෙනෙකු හමු වූයේය. දිගු කලෙකින් හමු වූ ඥාතීන් ඉදිරිපිටදී ඇය බොහෝ සෙයින් හැඟම්බර වූවාය. ඇය ඔවුන් වැළඳ ගත්තේ ඇස්වල කඳුළු පුරවා ගනිමිනි.
