වෙන්කළ දුම්රිය ආසන ප්‍රවේශ පත්‍ර ගාස්තු ආපසු ඉල්ලුම් කිරීමේ දී ප්‍රවේශපත් හිමිකරුගේ අනන්‍යතාවය තහවුරු කර ගැනීම සඳහා ඔහුගේ ජාතික හැඳුනුම්පතේ හෝ වලංගු විදේශ ගමන් බලපත්‍රයේ පිටපතක් දුම්රිය ස්ථානය වෙත ඉදිරිපත් කිරීම හෙට (01) දිනයේ සිට අනිවාර්ය කර තිබෙනවා.
මේ අතර දුම්රිය ආසන වෙන් කිරීමේ දී මගියාගේ ජාතික හැඳුනුම්පතේ හෝ වලංගු විදේශ ගමන් බලපත්‍රයේ අංකය ඇතුළත් කිරීම දැනටමත් අනිවාර්යය කර ඇති බවයි එම දෙපාර්තමේන්තුව සදහන් කළේ.
එසේම දුම්රිය ස්ථානයට ඇතුල් වීමේදී හා දුම්රිය තුළදී ප්‍රවේශපත්‍රයේ සඳහන් ජාතික හැඳුනුම්පතේ අංකය හෝ විදේශ ගමන් බලපත්‍රයේ අංකය තහවුරු කර ගැනීමට කටයුතු කරන බව ද එම දෙපාර්තමේන්තුව නිකුත් කළ නිවේදනයේ සඳහන්.
