කිලිනොච්චියේ සහ මුලතිව් හි දී දුම්රියේ ගැටීමකින් සහ විදුලිසැර වැදීමෙන් වනඅලියෙකු සහ දල
ඇතින්නක් ජීවිතක්ෂයට පත් ව තිබෙනවා.
අප ප්‍රාදේශීය වාර්තාකරු රොමේෂ් සඳහන් කළේ; මෙම අනතුර ඊයේ පස්වරුවේ දී සිදු ව ඇති බවයි.
කිලිනොච්චිය මුරුකණ්ඩි ප්‍රදේශයේ දී යාපනයේ සිට කොළඹ බලා ධාවනය වූ උත්තර දේවී දුම්රියට වනඅලියෙකු ගැටීමෙන් එම වනඅලියා මිය ගොස් ඇති බවට කිලිනොච්චිය වනජීවි නිලධාරී කාර්යාලය පවසනවා.
මේ අතර මුලතිව් ඔඩ්ඩුසුඩාන් පෙරිය සාලම්බන් ප්‍රදේශයේ දී කුඹුරු යායක දී විදුලිසැර වැදීමෙන් මිය ගිය දළ ඇතින්නකගේ මළසිරුරක් සොයා ගැනුණා.
අදාළ කුඹුරු යායට වනඅලි තර්ජනය හේතුවෙන් ඇද තිබූ අනවසර විදුලි රැහැනක පැටලී මෙලෙස විදුලි සැර වැදීමෙන් ඇතින්න මිය ගොස් ඇතැයි විශ්වාස කෙරෙනවා.
මෙලෙස මියගොස් ඇත්තේ අවුරුදු 15 ක් පමණ වයසැති දළ ඇතින්නක් වන අතර අදාළ කුඹුරට විදුලි රැහැන් අනවසරයෙන් යෙදූ කුඹුරේ හිමිකරු අත්අඩංගුවට ගැනීමට ඔඩ්ඩුසුඩාන් පොලීසිය විමර්ශන ආරම්භ කර තිබෙනවා.
