නතාෂා පෙරේරා කියන සුරූපී රංගන ශිල්පිනියව නොහඳුනන කෙනෙකු නොමැති තරම්. එදා ළමා රංගන ශිල්පිනියක් ලෙස කාගෙත් නෙත් සිත් පැහැරගත් ඇය අද වන විටත් බොලිවුඩ් නිළියක තරම් රූමත්.. සමාජ මාධ්යයේ නිතරම වගේ කතාබහ වන ඇයගේ ආදරණීය මිත්තණිය හදිසියේම වියෝ වී තිබෙනවා. මේ ඒ ගැන අපිට මුහුණූ පොතෙන් හමුවූ සටහනක්…
මානෙල් පෙරේරා නම් වූ ඇය නොවන්නට නතාෂා පෙරේරා නම් ළමා ශිල්පිනිය ගැන රටේ කතා බහක් ඇති නොවන බව නොඅනුමානයි. මිනිබිරියකට එතරම්ම ආදරය කරමින්, ඈ වෙනුවෙන්ම කැප වෙමින්, ඈ වෙනුවෙන් සිහින මවමින් ඒ සිහින සැබෑකරගත් මිත්තනියක් මට මුණ ගැසී නැත.
කිසි දිනක ඇය නතාෂාට අත්තම්මා වීමට කැමති වුණේ නැත. නතාෂා හැමදාමත් ඈ ඇමතුවේ “අම්මි..” කියාය. බොහෝ හමුවීම්, ප්රිය සාද වෙත සිය රතය ඉතා මැනවින් පදවමින් නතාෂා කැටුව යන ඇය වඩාත් ප්රිය කළේ එවන් තැනකදී නතාෂා ගීතයක් ගයනු දැකීමටයි. නතාෂා වෙනුවෙන්ම ප්රවීණ ශිල්පීන් ලවා ඈ විසින් නිර්මාණය කරවන ලද ගී හැරුනුකොට “කල්යාණි ගංගා රාජිනී… දුර පෙනෙන තැනි තලා..” වැනි ගී එවන් තැනක ඇසීමටත් ඈ ප්රිය කළා.මානෙල් පෙරේරා මහත්මිය සිය දිවි ගමන නිම කළ බව දැනගත් මොහොතේ මගේ සිතට එක්වරම ගලා ආ මතකයයි මේ. ආදරණීය මානෙල් ආන්ටි.., ඔබට සුබ ගමන්..!!!
