දිවයිනේ තැන් දෙකක අභිරහස් මරණ දෙකක්

කඳාන සහ වත්තල ප්‍රදේශවල දී සැකකටයුතු මරණ 02ක් සිදුව තිබේ.

පොලීසිය සඳහන් කළේ කඳාන ශාන්ත සේවියර් පාර ප්‍රදේශයේ නිවසක දී කාන්තාවක් සැකකටයුතු ලෙස මියගොස් ඇති බවය.

මියගොස් ඇත්තේ 75 හැවිරිදි එම ප්‍රදේශයේම පදිංචි කාන්තාවක් වන අතර මෘත ශරීරය පශ්චාත් මරණ පරීක්ෂණය සඳහා රාගම රෝහලේ තැන්පත්කර තිබේ.

මේ අතර, වත්තල හැඳල පාර ප්‍රදේශයේ ගරාජයක තිබූ වාහනයක් තුළ නිදාගෙන සිටි එහි සේවකයෙකු සැකකටයුතු ලෙස මියගොස් ඇති බව පොලීසිය සඳහන් කළේය.

මියගොස් ඇත්තේ 29 හැවිරිදි මීගමුව කඳසුරිදුගම ප්‍රදේශයේ පදිංචිව සිටි අයෙකු වන අතර වත්තල පොලීසිය වැඩිදුර විමර්ශන සිදුකරයි.