දිවයිනට ආ ඉන්දුනීසියානු සුල්තාන් හමුදා උත්තමාචාර මැද පිටව යයි

ඉන්දුනීසියානු නාවික හමුදාවට අයත් ‘KRI SULTAN ISKANDAR MUDA-367’ නෞකාව නිල සංචාරය සාර්ථකව අවසන් කරමින් දිවයිනෙන් පිටත් ව ගොස් තිබෙනවා.

නාවික හමුදා මාධ්‍ය අංශය නිවේදනය කළේ මෙම නෞකාව නිල සංචාරයක් සඳහා පෙරේදා (28) දිනයේ දී දිවයිනට පැමිණි බවයි.

දිවයිනට පැමිණි ඉන්දුනීසියානු නාවික හමුදාවේ SIGMA – CORVETTE වර්ගයට අයත් නෞකාවක් වන ‘KRI SULTAN ISKANDAR MUDA-367’ නෞකාව, එම නිල සංචාරය සාර්ථකව අවසන් කරමින් අද දිවයිනෙන් පිටත්ව යන ලද අතර, එම නෞකාව වෙත ශ්‍රී ලංකා නාවික හමුදාව විසින් නාවික හමුදා සම්ප්‍රදායානුකූලව සමුදීම, කොළඹ වරායේ දී සිදු කෙරුණා.

නෞකාවේ අණදෙන නිලධාරී කොමාන්ඩර් ANUGERAH ANNURULLAH, බටහිර නාවික විධානයේ හා ස්වේච්ඡා නාවික හමුදාවේ ආඥාපති රියර් අද්මිරාල් චින්තක කුමාරසිංහ සමඟ නිල හමුවක් බටහිර නාවික විධාන මූලස්ථානයේ දී සහ අධ්‍යක්‍ෂ ජෙනරාල් මෙහෙයුම් බුද්ධික ලියනගමගේ සමඟ නිල හමුවක් නාවික හමුදා මුලස්ථානයේ දී ද අද දින පැවැත්වීමට කටයුතු යොදා තිබුණා.

‘KRI SULTAN ISKANDAR MUDA-367’ නෞකාව දිවයිනේ රැඳී සිටි කාලසීමාව තුළ දිවයිනේ වැදගත් ස්ථාන නැරඹීම සඳහා ද ප්‍රදේශ කිහිපයක සංචාරය කිරීමට ද කටයුතු කෙරුණා.