යුද හමුදාවට අයත් ඩිෆෙන්ඩර් රථයක් ජයන්තිපුර පාර්ලිමේන්තුව පිවිසුම අසල දී දියවන්නා වගුරට පෙරළී අනතුරට ලක් ව තිබෙනවා.
අද (25) පෙරවරුවේ මෙම ඩිෆෙන්ඩර් රථය පැලවත්ත දෙස සිට බොරැල්ල දෙසට පැමිණෙමින් තිබූ රථයක් බවටයි හෙළි ව ඇත්තේ.
අනතුර සිදු ව ඇත්තේ අද අලුයම 05.30-6.00 අතරේදී බව ද පොලිසිය පවසනවා.
මෙම අනතුරින් රථය පැදවූ රියදුරුට හානි නොවුණ ද රථයට නම් දැඩි අලාභ හානි සිදු ව ඇති බවයි වාර්තා වන්නේ.
සිද්ධිය සම්බන්ධයෙන් වැලිකඩ පොලිසිය විමර්ශන සිදු කරන අතර අනතුරට හේතුව රියදුරුට වේගය පාලනය කරගැනීමට නොහැකි වීම බව ද අනාවරණය වී තිබෙනවා.
අනතුරට ලක් වූ රථය ඉවත් කිරීමට පැය දෙකහමාරක පමණ කාලයක් ගත වූ අතර අනතුර හේතුවෙන් පාර්ලිමේන්තු මාර්ගයේ දැඩි රථ වාහන තදබදයක් ද හටගත්තා.
සුඛෝපභෝගී ඩිෆෙන්ඩර්? වාර්තාකරු ගේ දැනුම?