දියණිය අපයෝජනය කර පළාගිය පියෙක් සොයන්න පොලිසිය මහජන සහාය ඉල්ලයි

තම බාල වයස්කාර දියණිය අපයෝජනයට ලක් කර පළාගොස් සිටින පුද්ගලයෙකු සොයා ගැනීම සඳහා පොලිසිය මහජන සහාය පතනවා.

වලස්මුල්ල ප්‍රදේශයේ පදිංචිව සිටින මෙම සැකකරු ඔහුගේ අවුරුදු 9යි මාස 2ක් වයසැති දියණියට බරපතල ලිංගික අපයෝජනයක් සිදු කර ප්‍රදේශයෙන් පළාගොස් සිටින බවටයි මාවතගම පොලිසියට පැමිණිලි ලැබී ඇත්තේ.

මිරිස්ස බඩල්ගේ ගිහාන් ධනුෂ්ක නම් සැකකරු 29 හැවිරිදි පුද්ගලයෙක්. ඔහු වලස්මුල්ල පඹුරාව ප්‍රදේශයේ පදිංචිකරුවෙක් වන අතර සැකකරුගේ ඡායාරූප ද පොලිසිය විසින් මාධ්‍ය වෙත නිකුත් කර තිබෙනවා.

මෙම පුද්ගලයා සම්බන්ධයෙන් තොරතුරක් දන්නේ නම් 071 8591258 හෝ 037 2299222 අංකයෙන් මාවතගම පොලිසියේ ස්ථානාධිපතිවරයාට දැනුම්දිය හැකියි.

එමෙන්ම ළමා හා කාන්තා කාර්යාංශයේ ස්ථානාධිපතිවරයා වෙත ද 0718597402 අංකයෙන් සැකකරු පිළිබඳ තොරතුරු ලබාදිය හැකි බවයි පොලිසිය කියාසිටියේ.