අවුරුදු 06 ක් වන දැරියකට බරපතළ ලිංගික අපයෝජනයක් සිදු කළ පුද්ගලයෙකු කළුතර දකුණ පොලිසිය අත්අඩංගුවට ගෙන තිබෙනවා.
මෙම දැරිය පාසලට එම පුද්ගලයා කැටුව යන අතරතුරදියි සිදුවීමට මුහුණපා ඇත්තේ.
දැරියට බරපතළ ලිංගික අපයෝජනය සිදු කර ඇත්තේ ත්‍රීරෝද රථ රියදුරෙක් බවටයි පොලිසිය පැවසුවේ.
මෙසේ අත්අඩංගුවට ගෙන ඇත්තේ කළුතර කිතුලාව ප්‍රදේශයේ පදිංචි 42 හැවිරිදි විවාහකයෙක්.
වින්දිත දැරිය, ඇයගේ 13 හැවිරිදි වැඩිමහල් සොහොයුරියට සිදුවීම පිළිබඳ ව දැනුම්දී තිබෙනවා.
ඉන් අනතුරුව වැඩිමහල් සොහොයුරිය විසිනුයි ඇයගේ මවට දැනුම්දී ඇත්තේ.
ඉන්පසුවයි මව පොලිසියට සිදු කළ පැමිණිල්ලකට අනුව සැකකරුව අත්අඩංගුවට ගනු ලැබුවේ.
දැරිය රෝහල්ගත කර ඇති බවත්, සැකකරු විමර්ශනවලින් පසු කළුතර මහේස්ත්‍රාත් අධිකරණයට ඉදිරිපත් කිරීමට නියමිත බවත් පොලිසිය පැවසුවා.
Three wheeler culture has ruined srilanaka.