පවතින අධික වර්ෂාපතනය හමුවේ දැදුරු ඔය ජලාශයේ වාන් දොරටු තවදුරටත් විවෘතව පවතින බව වාරිමාර්ග දෙපාර්තමේන්තුව පවසනවා.
මේ හේතුවෙන් දැදුරු ඔය ආසන්න පහත් බිම්වල ජනතාවට ජල ගැලීම් පිළිබඳ අවධානයෙන් සිටින ලෙසටයි එම දෙපාර්තමේන්තුව දැනුම් දෙන්නේ.
වැසි තත්වය අඛණ්ඩව පැවතුන හොත් දැනට නිකුත් කෙරෙන ජල ධාරිතාවට වඩා වැඩි ප්‍රමාණයක් නිකුත් කිරීමට සිදුවනු ඇතැයි ද ඔවුන් ප්‍රකාශ කර තිබෙනවා.
