දැඩි පරිසර විනාශයක් ඇති කරමින් අනවසරයෙන් මහවැලි ගංගාවේ මැණික් ගැරීමේ ජාවාරමේ නිරත වූවන් සයදෙනෙකු පොලිස් අත් අඩංගුවට ගැනුණා.
ඊයේ (08) දිනයේ දී මෙම සැකකරුවන් ව අත් අඩංගුවට ගැනුණේ හැටන් සිට මහවැලි ගඟට ජලය ගලා බසිනා හැටන් ඔයේ බලපත්ර රහිතව මැණික් ගරමින් සිටි පිරිසක් ව නීතියේ රැහැනට පොලිසිය විසින් හසුකර ගැනීමත් සමගින්.
ගිනිගත් හේන පොලිස් වසමට අයත් දියගල ප්රදේශයේ හැටන් ඔයේ ඉවුරු හාරා ඒ තුළ වූ මැණික් ඉල්ලම් මෙලෙස ගරමින් සිටි බව ද දසත ප්රාදේශීය වාර්තාකරු පැවසුවා.
අත්අඩංගුවට ගත් සැකකරුවන් හැටන්, දික්ඔය, වටවල සහ ගිනිගත්හේන ප්රදේශවල පදිංචි අවුරුදු 40 – 50ත් අතර වයස් කාණ්ඩවල පසුවන අය බවත්, එම සැකකරුවන් හැටන් මහේස්ත්රාත් අධිකරණය වෙත ඉදිරිපත් කිරීමට කටයුතු කරන බවත් වාර්තා වනවා.
