දැඩි ගංවතුර හා නායයෑම්වලින් 236කට අධික පිරිසක් මරුමුවට පත් වූ පසුගිය සතියේ සිදු වූ දැවැන්ත ව්යසනයෙන් පසු අගමැති නරේන්ද්ර මෝදි නේපාලයට සහයෝගීතාව පළ කර තිබෙනවා.
නේපාලයේ ඉන්දීය තානාපති නවීන් ශ්රීවාස්තවා කත්මන්ඩු නුවර පැවති උත්සවයක් අමතමින් පැවසුවේ අගමැති මෝදි නේපාල අගමැති කේපී ෂර්මා ඔලි වෙත සහයෝගීතාව පළ කරමින් ලිඛිත පණිවුඩයක් යොමු කළ බවයි.
මෙම දුෂ්කර අවස්ථාවේ ඉන්දියාව නේපාල ජනතාව සමඟ සහයෝගයෙන් සිටින අතර, නේපාල රජයට අවශ්ය සහන සහ ප්රතිසංස්කරණ ප්රයත්නයන් සඳහා අවශ්ය පරිදි හැකි සෑම සහයක්ම ලබා දීමට ද ඉන්දියාව සූදානම් බව නරේන්ද්ර මෝදි යොමු කළ පණිවුඩයේ සඳහන්.
නොකඩවා ඇද හැලෙන වර්ෂාපතනය හේතුවෙන් මෑතදී ඇති වූ ගංවතුර, නායයෑම් හේතුවෙන් ජීවිත 236 ක් අහිමි වී ඇති අතර, 19 දෙනෙකු තවමත් අතුරුදන් ව සිටිනවා.
විපතට පත් ප්රදේශවලින් පුද්ගලයින් 17,120 දෙනෙකු මුදා ගැනීමට සහන කණ්ඩායම්වලට හැකි වුණා.
රටපුරා විවිධ ප්රදේශවල ගංවතුර සහ නාය යෑම් හේතුවෙන් අවහිර වී ඇති මාර්ග සුද්ධ පවිත්ර කිරීමේ කටයුතු මේ වනවිටත් ක්රියාත්මකයි.
