සංචාරක ශ්රී ලංකා කණ්ඩායමේ ඉන්දීය තරග සංචාරය යටතේ සහභාගී වන දෙවැනි T20 තරගය අද පස්වරු 7 සිට පුනේහිදී පැවැත්වීමට නියමිතව තිබෙනවා.
ශ්රී ලංකා T20 නායක දසුන් ශානක අද තරගයට සහභාගි වීමත් සමඟ ශ්රී ලංකාව වෙනුවෙන් මෙතෙක් වැඩිම T20 ජාත්යන්තර තරග සංඛ්යාවකට සහභාගී සිටින හිටපු නායක ලසිත් මාලිංගගේ තරග සංඛ්යාව සම කිරීම සිදු වනවා.
2014 වසරේ පැවැති පන්දුවාර විස්සයි-20 ලෝක කුසලාන තරගාවලියේ ශූරතාව දිනා දීමට සමත් නායකයා ලෙසින් ඉතිහාසයේ නම රන් අකුරින් ලියවා ගෙන සිටින ලසිත් මාලිංග, විස්සයි-20 තරග දිවියට සමු දීමට පෙර ශ්රී ලංකාව නියෝජනය කර ඇති තරඟ සංඛ්යාව 84ක්.
විස්සයි-20 ජාත්යන්තර තරග වාර්තාවන් රැසකට හිමිකම් කියා ඇති දකුණත් වේග පන්දු යවන්නා බිද හෙළා ඇති කඩුලු සංඛ්යාව 107ක් වනවා.
ඉනිමක හොඳම පන්දු යැවීම ලෙස 2019 වසරේ නවසීලන්තයට එරෙහිව පල්ලකැලේ ජාත්යන්තර ක්රීඩාංගණයේ පැවැති තරගයේදී ලකුණු 06ට දවා ගන්නා ලද කඩුලු 5 සටහන් වන මාලිංගගේ තරග දිවියේ කඩුල්ලක් දවා ගැනීමේ සාමාන්ය 20.79 ක් ලෙසයි සටහන් වන්නේ.
වර්තමාන T20 සහ එක්දින කණ්ඩායමේ නායකයා ලෙසින් කටයුතු කරන දසුන් ශානක 2015 වසරේ සිට මේ දක්වා ශ්රී ලංකාව වෙනුවෙන් විස්සයි-20 තරග 83 කට ක්රීඩා කර තිබෙනවා.
තුන් ඉරියව් ක්රීඩකයකු වන දසුන් පිත්තෙන් ලකුණු 1249 ක් සහ පන්දු යැවීමෙන් කඩුලු 21 ක් බිදඳ හෙළීමට සමත්ව සිටිනවා.
මෑත කාලයේ සුදු පන්දු තරග සඳහා පත් කරන ලද නායකයන් අතර ඉදිරියෙන්ම සිටින නායකයා වන්නේ දසුන් ශානක වන අතර ඔහුගේ නායකත්වය යටතේ අවසන් වරට පැවැති ආසියානු කුසලාන ශූරතාව මෙන්ම තවත් කැපී පෙනෙන ජයග්රහණය රැසක් අත්කර ගැනීමට ශ්රී ලංකාවට හැකියාව ලැබුණා.
