බලපත්‍ර නොමැතිව නිතිවිරෝධී ලෙස ප්‍රවාහනය කරමින් තිබු ඩීසල් ලීටර් 1000ක් සමඟ සැකකරුවෙකු අත්අඩංගුවට ගැනීමට හම්බන්තොට පොලිස් විශේෂකාර්ය බලකායේ නිලධාරීන් සමත්වී තිබෙනවා.
පොලිස් විශේෂකාර්ය බලකායේ නිලධාරීන්ට ලද තොරතුරකට අනුව අද (03දා) මෙම වැටලීම කර තිබෙන අතර එහිදී හම්බන්තොට සිරෝබෝපුර ප්‍රදේශයේදී බට්ටාවර්ගයේ කුඩා ලොරි රථයක් පරික්ෂා කිරීමේදී එහි ලීටර් 200 බැරල් 05ක් තුල තිබු මෙම ඩීසල් තොගය සොයාගැනීමට හැකිවී තිබේ.
අදාල සැකකරු අම්බලන්තොට මාමඩල ප්‍රදේශයේ පදිංචි කරුවෙකු වන අතර මෙම ඩීසල් තොග හම්බන්තොට ධීවර වාරයේ යාත්‍රා සදහා නිකුත්කරන ඒවා මේ ආකාරයෙන් නිතිවිරෝධී ලෙස රැගෙන යන බවට පොලිසිය සැක පලකරනු ලබයි.
මේ සම්බන්ධයෙන් වැඩිදුර පරීක්ෂණ කටයුතු හා අදිකරණ කටයුතු සදහා අදාල ඩීසල් තොගය .කුඩා ලොරි රථ හා සැකකරු හම්බන්තොට මුලස්ථාන පොලිසිය වෙත භාරදී තිබේ.
