පාකිස්තාන පාලනයේ පවතින කාශ්මීරයේ රාවලකොට් බන්ධනාගාරයෙන් ත්රස්තවාදීන් සහ මිනීමරුවන් ඇතුළු භයානක සිරකරුවන් 20 දෙනෙකු පලා ගොස් තිබෙනවා.
පලාගිය 20 දෙනා අතර ත්රස්ත චෝදනා යටතේ සිරගතව සිටි තිදෙනෙක් සිටින අතර මිනීමැරීම් හා සම්බන්ධ අපරාධකරුවන් අට දෙනෙක් සිටින බව හඳුනා ගෙන ඇතැයි ANI වාර්තා කළා.
පලා ගිය එක් සිරකරුවෙක් වන ෂාසාඩ්, පසුගිය වසරේ G20 සමුළුවට බාධා කිරීම සම්බන්ධයෙන් ඉන්දියාවට තර්ජනය කළ හිටපු පාකිස්තාන හමුදා සෙබළෙකු බව පුවත් වාර්තාවේ සඳහන්.
ෂාසාඩ්, ඉන්දීය විරෝධී ක්රියාකාරකම් සඳහා තරුණ තරුණියන් බඳවා ගන්නා බව පැවසෙන, අලුතින් පිහිටුවන ලද ත්රස්තවාදී සංවිධානයක් වන ජන්බාස් බලකායේ නායකයෙකු ලෙස ද සැලකනෙවා.
සිද්ධිය සම්බන්ධයෙන් ප්රාදේශීය පරිපාලනය විසින් ප්රාන්ත පොලිස්පතිවරයා සේවයෙන් පහ කර ආරක්ෂක නිලධාරීන් හත් දෙනෙකු අත්අඩංගුවට ගෙන අභ්යන්තර පරීක්ෂණයක් ආරම්භ කර ඇතැයි පාකිස්තාන මාධ්ය වාර්තා කළා.
බන්ධනාගාරයේ අධිකාරීවරයා ඇතුළු සමස්ත කාර්ය මණ්ඩලයේම සේවය අත්හිටුවා තිබෙනවා.
