පිලිපීන සහ ඇමෙරිකා එක්සත් ජනපද වෙරළාරක්ෂක බලකා දකුණු චීන මුහුදේ ද්විපාර්ශ්වික සෙවීම් සහ ගලවා ගැනීම් අභ්‍යාසයක නිරත වී තිබෙනවා.
ඇමෙරිකානු නාවික හමුදාවේ ඉන්දු – පැසිෆික් බලගණය නිවේදනය කළේ දෙපාර්ශ්වය අතර සම්බන්ධතාව ශක්තිමත් කිරීම සහ නිදහස් හා විවෘත ඉන්දු – පැසිෆික් සාගර කලාපයක් පවත්වාගෙන යෑම සඳහා අවශ්‍ය වන උපක්‍රම හුවමාරු කර ගත් බවයි.
චීනය සහ පිලිපීනය අතර වර්ධනය වෙමින් පවතින ආතතීන් මධ්‍යයේ මෙම අභ්‍යාසය පැවැත්වීම විශේෂත්වයක්.
