දකුණු කොරියාවේ විපක්ෂ නායක ලී ජේ-මියුන් දකුණු වරාය නගරයක් වන බුසාන් හි සංචාරයක යෙදී සිටිය දී පිහි ප්‍රහාරයක් එල්ල වී තිබෙනවා.
ඔහුගේ ගෙළ ප්‍රදේශයට මෙම පිහි ප්‍රහාරය එල්ල වී ඇති බවයි විදෙස් මාධ්‍ය වාර්තා කළේ.
නාඳුනන පුද්ගලයෙකු විසින් අද මෙම ප්‍රහාරය එල්ල කර ඇති අතර, තුවාල ලැබු පක්ෂ නායකවරයා ප්‍රදේශීය රෝහලක් වෙත යොමු කිරීමට කටයුතු කර තිබෙනවා.
ප්‍රහාරය එල්ල කළ පුද්ගලයා එම ස්ථානයේදීම අත්අඩංගුවට ගෙන ඇති අතර ඔහු වයස අවුරුදු 50ත් 60ත් අතර වයසේ පසුවන අයෙක්.
59 හැවිරිදි ලී ජේ-මියුන් කොරියානු ප්‍රජාතන්ත්‍රවාදී පක්ෂයේ නායකත්වය දරන අතර, ඔහු දැනට දකුණු කොරියාවේ ව්‍යවස්ථාදායකයේ සාමාජිකයෙකු නොවන නමුත් 2024 අප්‍රේල් මාසයේ දී පැවැත්වෙන මීළඟ මහ මැතිවරණයේදී ආසනයක් සඳහා තරඟ කරනු ඇතැයි බොහෝ දෙනා අපේක්ෂා කරනවා.
