2023/25 ලෝක ටෙස්ට් ශූරතා අවසන් මහා තරගයේ දෙවැනි දිනය වන අද (12) දිනයේ දී සිය පළමු ඉනිමට පිතිකරණය ලකුණු 138කට නිමා කිරීමට දකුණු අප්රිකාවට සිදු වුණා.
ඊයේ (11) ලෝඩ්ස් හි දී ප්රතිවාදී ඔස්ට්රෙලියාවට එරෙහිව ආරම්භ වූ අවසන් මහා තරගයේ කාසියේ වාසිය දිනාගත්තේ දකුණු අප්රිකාවයි.
ඒ අනුව දකුණු අප්රිකානු නායක ටෙම්බා බවුමා පළමු ව පන්දු රැකීම තෝරාගත්තා.
දකුණු අප්රිකාවේ ඇරයුමින් පළමු ව පිතිකරණය ඇරඹි ඔස්ට්රෙලියානු පළමු ඉනිම ලකුණු 212කට සීමා කරන්නට දකුණු අප්රිකානු පන්දු යවන්නන් සමත් වුණා.
ඔස්ට්රෙලියාව වෙනුවෙන් බියු වෙබ්ස්ටර් ලකුණු 72ක් සහ ස්ටීවන් ස්මිත් ලකුණු 66ක් ලබා ගත්තා.
කඩුලු බිඳ දැමීමේ දී කගිසෝ රබඩා ලකුණු 51කට කඩුලු 05ක් බිඳ හෙලුවා.
මාර්කෝ ජැන්සන් කඩුලු 03ක් සහ කේෂව් මහරාජ් සහ මාක්රම් එක් කඩුල්ල බැගින් බිඳ හෙලුවා.
ඉන් අනතුරුව පළමු ඉනිමට පිතිකරණය ඇරඹි දකුණු අප්රිකාව සියලු දෙනා අද දිනයේ දෙවැනි භාගයේ දී ලකුණු 138කට දැවී ගියා.
ඩේවිඩ් බෙඩින්ග් හැම් ලකුණු 45ක් සහ බවුමා ලකුණු 36ක් රැස් කළා.
විශිෂ්ට පන්දු යැවීමක නිරත වූ පැට් කමින්ස් ලකුණු 28කට කඩුලු 06ක් සහ මිචෙල් ස්ටාක් කඩුලු 02ක් බිඳ හෙලුවා.
හේසල්වුඩ් එක් කඩුල්ලයි.
ඒ අනුව ඔස්ට්රෙලියාව දකුණු අප්රිකාවට වඩා සිය පළමු ඉනිමෙන් ලකුණු 74ක් ඉදිරියෙන් සිටිනවා.
