දක්ෂිණ අධිවේගී මාර්ගයේ ඉමදූව හා පින්නදූව අතර 102 කිලෝමීටර් කණුව ආසන්නයේ නායයෑමට ලක් වූ මාර්ග කොටසේ පස් ඉවත් කිරීමේ කටයුතු මේ වනවිටත් සිදුකරමින් පවතිනවා.
පැවති වර්ෂාව ද නොතකා ඊයේ (12) රාත්රියේ සිට සේවකයින් එහි පස් ඉවත් කිරීමේ කටයුතුවල නියැලී සිටින බවයි තොරතුරු වාර්තා වුණේ.
මාර්ග සංවර්ධන අධිකාරිය සඳහන් කළේ පස් සහ ගල් ඉවත් කිරීමේ කටයුතු මේ වනවිට අවසන් අදියරේ පවතින බවයි.
කෙසේ වෙතත් එම මාර්ග කොටස යළි රථවාහන ධාවනය සඳහා විවෘත කිරීම සම්බන්ධයෙන් මෙතෙක් නිශ්චිත තීරණයක් ගෙන නොමැති අතර, ඉදිරියේ දී සිදුකරන පරීක්ෂණවලින් පසු ලබාදෙන නිර්දේශ මත එම තීරණයට එළඹෙන බවයි මාර්ග සංවර්ධන අධිකාරිය වැඩිදුරටත් සඳහන් කළේ.
