ගාල්ල පොලිස් වසමේ දංගෙදර ප්රදේශයේ දී පසුගිය 12 වනදා පුද්ගලයෙකුට වෙඩි තබා ඝාතනය කිරීමේ අපරාධයට ආධාර අනුබල දුන් සැකකරුවෙක් අත්අඩංගුවට ගෙන තිබෙනවා.
අයිස් මත්ද්රව්ය ග්රෑම් 03 මිලිග්රෑම් 810ක් සමඟ මෙම සැකකරු ඊයේ (29) ගාල්ල දිසා අපරාධ කොට්ඨාසයේ නිලධාරීන් කණ්ඩායමක් විසින් අත්අඩංගුවට ගෙන ඇති බවයි වාර්තා වුණේ.
බණ්ඩාරගම පොලිස් වසමේ මිල්ලගහ හන්දිය ප්රදේශයේ දී 33 හැවිරිදි වියේ පසුවන මෙම සැකකරු අත්අඩංගුවට ගත් බවයි පොලිසිය පැවසුවේ.
මෙම සැකකරු පැදින්නොරුව ප්රදේශයේ පදිංචිකරුවෙක් බවයි අනාවරණය වී ඇත්තේ.
මෙම අපරාධයට සම්බන්ධ තවත් සක්කරුඅන් දෙදෙනෙක් දූෂණ මර්ධන ප්රහාරක ඒකකයේ නිලධාරින් කණ්ඩායමක් විසින් පසුගිය 22 වනදා අත්අඩංගුවට ගෙන තිබුණා.
පසුගිය 12 වනදා පෙරවරුවේ රතු පැහැති මෝටර් රථයකින් පැමිණි වෙඩික්කරුවන් පිරිසක් විසින් මෙම වෙඩිතැබීම සිදුකර පලාගොස් තිබූ අතර, එහිදී වෙඩි ප්රහාරයට ලක්වූ පුද්ගලයා කරාපිටිය රෝහලට ඇතුළත් කිරීමෙන් පසු ජීවිතක්ෂයට පත් වුණා.
