තේ වගාව සඳහා අවශ්ය පොහොර මිටියක් රුපියල් 8,500 දක්වා අඩු මිලකට දීමට තීරණය කළ බව කෘෂිකර්ම හා වැවිලි කර්මාන්ත ඇමැති මහින්ද අමරවීර මහතා පවසනවා.
ගාල්ල දිස්ත්රික්කයේ තේ වගාකරුවන් පිරිසක් සමග ඊයේ (12) පෙරවරුවේ පැවැති සාකච්ඡාවකින් පසුවයි ඇමැතිවරයා මේ බව දැනුම් දී ඇත්තේ.
දැනට තේ වගාව සඳහා භාවිත කරන පොහොර මිටියක මිල රුපියල් 12,000 සිට රුපියල් 14,000 දක්වා වීම හමුවේ වගාකරුවන් තේ වගාවට පොහොර නොයෙදීමේ ප්රවණතාවක් පවතිනවා.
මේ හේතුවෙන් තේ අක්කරයකින් වරකට නෙළාගන්නා දලු ප්රමාණය කිලෝ 216 දක්වා අඩු වී ඇති බවටයි අනාවරණ වී ඇත්තේ. මේ නිසා එම පොහොර මිල අඩු කර දෙන ලෙස වගාකරුවන් මෙහිදී ඇමැතිවරයාගෙන් ඉල්ලීමක් කර තිබුණා.
මෙහිදී අදහස් දැක්වූ ඇමැති මහින්ද අමරවීර මහතා සඳහන් කළේ තේ සඳහා යොදන පොහොර මිටියක මිල රුපියල් 8500ක් දක්වා අඩු මිලට දීමට රජයට අයත් ලංකා පොහොර සමාගම හා කොමර්ෂල් පොහොර සමාගම මඟින් කටයුතු යොදා ඇති බවයි.
