ඉන්ධන ප්රවාහනය කරමින් තිබූ දුම්රියක ගැටීමෙන් වනඅලි දෙදෙනකු එම ස්ථානයේදීම ජීවිතක්ෂයට පත් ව තිබෙනවා.
අප ප්රාදේශීය වාර්තාකරු පැවසුවේ; මෙම අනතුර අද (18) අලුයම 3.30ට පමණ සිදු ව ඇත්තේ කොළඹ – මඩකලපුව ප්රධාන දුම්රිය මාර්ගයේ මින්නේරිය – රොටවැව මංසන්ධිය ආසන්නයේ දී දුම්රිය සැතපුම් 146 1/2 ප්රදේශයේ දී බවයි.
මෙම දුම්රිය කොළඹ සිට මඩකලපුව බලා ධාවනය වෙමින් සිට තිබෙනවා.
වනඅලි රංචුවක් ම මෙම දුම්රියේ ගැටී ඇති බවත් දෙදෙනකු එම අවස්ථාවේ දී මියගොස් ඇති බවත් අලි රංචුවේ බරපතළ තුවාල ලැබූ වනඅලින් ද සිටින බවත් වාර්තා වනවා.
වනඅලි ගැටීමෙන් ඉන්ධන දුම්රියට ද දැඩි අලාභ හානි සිදුව ඇති අතර එහි මැදිරියක් පෙරළී ගොස් තිබෙනවා.
මේ වන විට මඩකලපුව – කොළඹ ප්රධාන දුම්රිය මාර්ගයේ දුම්රිය ධාවනය සම්පූර්ණයෙන් නැවතී ඇති බවයි වාර්තා වන්නේ.
මේ පිළිබඳව වැඩිදුර පරීක්ෂණ කටයුතු මින්නේරිය පොලීසිය, දුම්රිය දෙපාර්තමේන්තු නිලධාරීන් හා වනජීවී නිලධාරීන් එක්ව සිදුකරනවා.
මේ අතර කොළඹ – කොටුව සහ මඩකලපුව අතර අද දින ධාවනය වීමට නියමිත සියලු දුම්රිය ගමන්වාර අවලංගු කර තිබෙනවා.
ඒ මෙම අනතුර සිදුවීමෙන් පසුව ඇති වූ දුම්රිය මාර්ගය අවහිර වීම හේතුවෙන්
දුම්රිය ගමන් වාර 6ක් අවලංගු කිරීමට පියවර ගත් බවයි ශ්රී ලංකා දුම්රිය දෙපාර්තමේන්තුව නිවේදනය කර ඇත්තේ.
