තෙල්දෙණිය පොලිස් වසමේ අයි.සී.සී නිවාස සංකීර්ණයේ පාළු නිවසක ගරාජයක් තුළ තිබී ඊයේ (01) සොයාගත් ජීප් රථය සම්බන්ධයෙන් එම ප්රදේශයේ කපුමහතෙකුගෙන් ප්රකාශ සටහන් කර ගෙන ඇති බව පොලිස් මාධ්ය ප්රකාශක නියෝජ්ය පොලිස්පති නිහාල් තල්දූව සඳහන් කළා.
අද (02) පෙරවරුවේ පැවති මාධ්ය හමුවක දී පොලිස් මාධ්ය ප්රකාශවරයා මේ බව සඳහන් කර සිටියා.
එම ප්රකාශ සටහන්කර ගැනීමේ දී අදාළ කපුමහතා පොලිසියට පවසා ඇත්තේ හිටපු රාජ්ය අමාත්ය ලොහාන් රත්වත්තේගේ පෞද්ගලික ලේකම්වරයා විසින් එම ජීප් රථය ඔහුට ලබාදුන් බවයි.
ඒ, අනුව මෙම රථය කපුමහතා වෙත ලබා දී ඇත්තේ පසුගිය දා කටුගස්තොට ප්රදේශයේ දී වෙඩි තබාගෙන සියදිවි නසාගත් රාජ්ය අමාත්යවරයාගේ පෞද්ගලික ලේකම්වරයා විසින් බව අනවරණය වී ඇති බවයි පොලිස් මාධ්ය ප්රකාශකවරයා මෙහිදී පැවසුවේ.
කෙසේ වෙතත් මෙම ජීප් රථය කාගේ ද යන්න පිළිබඳව නිශ්චිතවම තහවුරු කරගෙන නොමැති බවයි මාධ්ය ප්රකාශකවරයා වැඩිදුරටත් සඳහන් කර සිටියේ.
එමෙන්ම මෙම ජීප් රථයේ සවිකර තිබූ අංක තහඩුව සම්බන්ධයෙන් සිදුකළ පරීක්ෂා කිරීමේ දී එම අංකයට වෙනත් වාහනයක් ලියාපදිංචි කර ඇති බවට අනාවරණය වූ බවත්, එම රථය ද නුවර ප්රදේශයේ වාහනයක් බවට හඳුනාගෙන තිබෙනවා.
කෙසේ වෙතත් සොයාගත් මෙම ජීප් රථය නීති විරෝධීව එකලස් කළ, නීති විරෝධීව භාවිත කළ වාහනයක් බවට මේ වනවිට නිරීක්ෂණය වී ඇති බව පොලිස් මාධ්ය ප්රකාශකවරයා සඳහන් කර සිටියා.
ඔක්කොම වැරදි කොහොම හරි මැරුන මනුස්සයා පිටින් යයයි වගේ