තුර්කි ජනරජ නාවික හමුදාවට අයත් ‘TCG BÜYÜKADA’ නෞකාව නිල සංචාරයක් සඳහා දිවයිනට පැමිණ තිබෙනවා.
මෙම නෞකාව ඊයේ (13) දිවයිනට පැමිණි අතර, ශ්‍රී ලංකා නාවික හමුදාව විසින් එම නෞකාව නාවික හමුදා සම්ප්‍රදායානුකුලව පිළිගැනීම කොළඹ වරායේදී සිදු කෙරුණා.
මෙලෙස දිවයිනට පැමිණි CORVETTE වර්ගයට අයත් ‘TCG BÜYÜKADA’ නෞකාව, දිගින් මීටර් 99.56 ක් හා නැව් මුළුව 147ක ගෙන් සමන්විතයි.
නෞකාවේ අණදෙන නිලධාරී ලෙස, ලුතිනන් කොමාණ්ඩර් අනිල් බිල්ජින් කටයුතු කරනු ලබනවා.
‘TCG BÜYÜKADA’ නෞකාව මෙරට රැඳී සිටින කාලසීමාව තුළ එහි නැව් මුළුව දිවයිනේ වැදගත් ස්ථාන නැරඹීම සඳහා ප්‍රදේශ කිහිපයක සංචාරය කිරීමට නියමිතව තිබෙනවා.
ඔවුන් දෙරටේ නාවික හමුදා අතර සුහදත්වය වර්ධනය කිරීම වෙනුවෙන්, ශ්‍රී ලංකා නාවික හමුදාව විසින් සංවිධානය කරනු ලබන වැඩසටහන් සඳහා ද සහභාගි වීමට නියමිතව ඇති බව සඳහන්.
නිල සංචාරය අවසන් කරමින් ‘TCG BÜYÜKADA’ නෞකාව ලබන 16 වන දින දිවයිනෙන් පිටත්ව යාමට නියමිතව ඇති අතර, එහිදී ශ්‍රී ලංකා නාවික හමුදා නෞකාවක් සමඟ බටහිර නාවික විධානයට අයත් මුහුදු තීරයේදී නාවික අභ්‍යාසයක ද නිරත වීමට නියමිතව තිබෙනවා.
