Rajapura Handi Oil
Rajapura Diabetic Powder

තුන් ඉරියව්වෙන් දස්කම් දැක්වූ T20 පිටියේ විශිෂ්ටතම ක්‍රීඩකයින් දසදෙනා අතරට වනිඳුත්

ජාත්‍යන්තර පන්දුවාර 20 තුන් ඉරියව් ක්‍රීඩක ශ්‍රේණිගත කිරීම් හි ශ්‍රී ලංකා ක්‍රීඩක වනිඳු හසරංග ඉදිරියට පැමිණ තිබෙනවා.

ඒ ඔහු රැඳී සිටි 07 වැනි ස්ථානයේ සිට 06 වැනි ස්ථානය දක්වා යි.

වනිඳු එම ස්ථානය අත්පත් කරගැනීමට ප්‍රසාද ලකුණු 200ක් හිමිකරගෙන තිබෙනවා.

වනිඳු හසරංග මේ දිනවල බටහිර ඉන්දීය කොදෙව්වන්ට එරෙහිව පැවැත්වෙන එක්දින තරගාවලියේ දී ද වැඩි දක්ෂතා අතරට පන්දු යැවීමෙන් ද පැමිණෙන අයුරු දක්නට ලැබුණා.

පිතිකරණයෙන් හිතූ තරම් සාර්ථක නොවුණ ද, ඔහු මෙම ස්ථානය ලබාගැනීමට මෙම වසරේ දී දඹුල්ලේ දී ඇෆ්ගනිස්තානයට එරෙහිව පැවති තරගාවලිය වැඩි දායකත්වයක් ලබා දී තිබෙනවා.

මෙම ලැයිස්තුවේ මුල් තැන එංගලන්තයේ ලියෑම් ලිවින්ග්ස්ටෝන් හට හිමිව ඇති අතර දෙවැනි තැන හා තෙවැනි ස්ථානය පිළිවෙළින් නේපාලයේ ඩිපේන්ඩ්‍ර සින්ග් සහ ඉන්දියාවේ හර්දික් පාණ්ඩ්‍යාට හිමිව තිබෙනවා.