සංචාරක නවසීලන්ත කණ්ඩායම සහ ඉන්දීය කණ්ඩායම අතර පැවැත්වෙන තුන්වැනි සහ අවසන් ටෙස්ට් තරගය අද (01) ආරම්භ වුණා.
වන්කඩේ ක්රීඩාංගණයේ දී දෙරට අතර අවසන් ටෙස්ට් තරගය අද පෙරවරුවේ ආරම්භ වූයේ කාසියේ වාසියේ ජය නවසීලන්ත නායක ටොම් ලැතම් හට හිමිකර දෙමින්.
ඒ අනුව කිවියන් තීරණය කළේ පළමුව පන්දුවට පහරදීමටයි.
මේ වනවිට කිවියන් මුල් කඩුලු 03 අහිමි ව සිය පළමු ඉනිමට ලකුණු 85ක් ලබා සිටිනවා.
පළමු කඩුල්ල ලෙස දැවී ගියේ ලකුණු 04ක් ලබා සිටි ඩෙවොන් කොන්වේ.
ටොම් ලැතම් ලකුණු 28කට දැවී ගියා.
රචින් රවීන්ද්රා ලකුණු 05යි.
පළමු කඩුලු 03න් දෙකක් ම වොෂින්ටන් සුන්දර් විසින් බිඳ දමනු ලැබූ අතර අකාෂ් ඩීප් එක් කඩුල්ලට හිමිකම් කිව්වා.
මේ වන විට සිව්වැනි කඩුල්ල වෙනුවෙන් පිටියේ රැඳී සිටින්නේ විල් යන්ග් සමගින් ඩැරිල් මිචෙල්.
තරගාවලියේ පැවති ටෙස්ට් තරග 02ම නවසීලන්තය ජය ගත්තා.
