තුන්වන එක්දින තරගය නොමිලේ බලන්න අවස්ථාවක්

සංචාරක සිම්බාබ්වේ කණ්ඩායම සහ ශ්‍රී ලංකාව අතර හෙට (11) පැවැත්වෙන අවසන් එක්දින තරගය නොමිලේ නැරඹීමට ක්‍රිකට් ප්‍රේක්ෂකයන්ට අවස්ථාව ලබාදීමට ශ්‍රී ලංකා ක්‍රිකට් ආයතනය තීරණය කර තිබෙනවා.

ඒ අනුව C&D Upper and Lower Stands කොටස්වලට පැමිණ අවසන් එක්දින තරගය නැරඹිය හැකියි.

පස්වරු 2.30ට අවසන් එක්දින තරගය ආරම්භ වීමට නියමිතයි.

එය නැරඹීමට පැමිණෙන ක්‍රිකට් ලෝලීන්ට ආර් ප්‍රේමදාස ක්‍රීඩාංගණයට ඇතුලුවීම සඳහා දොරටු පස්වරු 1ට විවෘත කෙරෙන බව සඳහන්.

සංචාරක සිම්බාබ්වේ කණ්ඩායම සහ ශ්‍රී ලංකාව අතර පළමු එක්දින තරගය වර්ෂාව හේතුවෙන් ජය පරාජයකින් තොරව අවසන් කෙරුණා.

දෙවන එක්දින තරගයේ ජය ශ්‍රී ලංකාවට හිමි වූයේ කඩුලු දෙකකින්. පළමු සහ දෙවන එක්දින තරග නැරඹීමට ආර් ප්‍රේමදාස ක්‍රීඩාංගණයට එතරම් ක්‍රිකට් ලෝලීන් පිරිසක් පැමිණ නොතිබීම විශේෂත්වයක්.