සංචාරක සිම්බාබ්වේ කණ්ඩායම සහ ශ්‍රී ලංකාව අතර තීරණාත්මක අවසන් T20 තරගය අද පැවැත්වෙනවා. ඒ කොළඹ ආර් ප්‍රේමදාස ක්‍රීඩාංගණයේදීයි.
තරගයේ කාසියේ වාසිය දිනූ ශ්‍රී ලංකා කණ්ඩායම තීරණය කළේ පළමුවෙන් පන්දුවට පහරදීමේ අවස්ථාව සිම්බාබ්වේ කණ්ඩායමට ලබාදීමටයි.
තරග 3කින් සමන්විත T20 තරගාවලියේ පළමු තරගයෙන් ශ්‍රී ලංකාව ජයග්‍රහණය කළ අතර දෙවන තරගය ජය ගත්තේ සිම්බාබ්වේ කණ්ඩායමයි.
එබැවින් තරගාවලිය ජය ගැනීම සඳහා මෙම අවසන් තරගය දෙරටටම අතිශයින් වැදගත් වනු ඇති.
අද තරගයේදී ශ්‍රී ලංකා කණ්ඩායමෙන් අසනීප තත්ත්වයක් හමුවේ චරිත් අසලංක ඉවත් කර ඇති අතර ඒ වෙනුවට කමිඳු මෙන්ඩිස් කණ්ඩායමට කැඳවා තිබෙනවා. කුසල් ජනිත් පෙරේරා වෙනුවට ධනංජය ද සිල්වා කණ්ඩායමට කැඳවා ඇති බවයි නායක වනිඳූ හසරංග කියාසිටියේ.
