සංචාරක බටහිර ඉන්දීය කොදෙව්වන් හා ශ්‍රී ලංකා කණ්ඩායම අතර පැවැත්වෙන තුන්වැනි සහ අවසන් T20 තරගයේ කාසියේ වාසිය දිනා ගන්නට කොදෙව්වන් මීට ටික වේලාවකට පෙර (17) සමත් වුණා.
ඒ අනුව කොදෙව් නායක පවල් තීරණය කළේ පළමුව පන්දුවට පහරදීමටයි.
දෙරට අතර තරගය රන්ගිරි දඹුල්ල ජාත්‍යන්තර ක්‍රීඩාංගණයේ දී රාත්‍රී 07ට ආරම්භ වනවා.
මේ වනවිට තරග 03කින් සමන්විත T20 තරගාවලියේ කණ්ඩායම් ද්විත්වයම තරග 1-1 ක් ලෙස ජයගෙන සම මට්ටමේ පත්වනවා.
එබැවින් අද තරගය තරගාවලි ජයක් සඳහා කණ්ඩායම් දෙකටම තීරණාත්මක වනු ඇති.
අද තරගයේ ශ්‍රී ලංකා කණ්ඩායමේ නායකත්වය චරිත් අසලංක විසින් මෙහෙයවනු ලබන අතර කොදෙව් නායකත්වය හිමිව ඇත්තේ රෝව්මන් පවල්ටයි.
දෙරට අතර T20 තරග 17ක් පවත්වා ඇති අතර ශ්‍රී ලංකා කණ්ඩායම ඉන් තරග 09කම ජය හිමිකරගෙන තිබෙනවා.
තරග 08ක ජය හිමිව ඇත්තේ කොදෙව්වන්ටයි.
