පුත්තලම – කොළඹ මාර්ගයේ ගලහිටියාව හන්දිය අසල දී ඊයේ (09) රාත්රියේ සිදුවූ අනතුරකින් තිදෙනෙක් මියගොස් ඇති බව පොලිසිය පවසනවා.
පුත්තලම දෙස සිට කොළඹ දෙසට ධාවනය වූ ත්රීරෝද රථයක් ප්රථිවිරුද්ධ දෙසින් පැමිණි බස් රථයක ගැටී මෙම අනතුර සිදුව ඇති බවයි වාර්තා වුණේ.
අනතුර සිදුවන අවස්ථාවේ ත්රීරෝද රථයේ රියදුරු ඇතුළු පුද්ගලයින් 09 දෙනෙකු ගමන් කර ඇති අතර; වයස අවුරුදු 32, 36 වන වියේ පසු වූ කාන්තාවන් දෙදෙනෙක් සහ වයස අවුරුදු එක්ක දැරියක් මෙම අනතුරෙන් ජීවිතක්ෂයට පත්ව තිබෙනවා.
මියගිය අය මිනුවන්ගොඩ හා රාගම ප්රදේශවල පදිංචිකාරියන් බව සඳහන්.
මෙලෙස අනතුරට ලක්ව ඇත්තේ තලවිල ශාන්ත ආනා දේවස්ථානයේ වාර්ෂික මංගල්යට සහභාගි වී ආපසු යමින් සිටි පිරිසක් රැගත් ත්රිරෝද රථයක්.
තුවාල ලැබූ ත්රීරෝද රථයේ ගමන් ගත් රියදුරු, පිටුපස අසුනේ ගමන් ගත් කාන්තාවන් දෙදෙනෙකු, පිරිමි පුද්ගලයින් දෙදෙනෙකු, පිරිමි දරුවන් දෙදෙනෙකු හා ගැහැණු දැරියන් දෙදෙනෙකු හලාවත රෝහලට ඇතුලත් කිරීමෙන් පසු මෙම කාන්තාවන් දෙදෙනා සහ දැරියක් මියගොස් ඇති බවයි වාර්තා වන්නේ.
මෘත ශරීර හලාවත රෝහලේ මෘත ශරීරාගාරයේ තැන්පත් කර ඇත් අතර; අනතුරට සම්බන්ධ බස් රථයේ රියදුරු අත්අඩංගුවට ගෙන ඇති අතර මාදම්පේ පොලිසිය වැඩිදුර විමර්ශන සිදු කරනු ලබනවා.
