තැපැල් දෙපාර්තමේන්තුව අද (13) දිනයේ දී එක් දින වැඩ වර්ජනයක් සිදු කරනවා.
ඊයේ (12) නිවේදනයක් නිකුත් කරමින් ඔවුන් සඳහන් කළේ අද මධ්‍යම රාත්‍රියේ සිට තැපැල් වර්ජනය ක්‍රියාත්මක බවයි.
දිගු කලක සිට තැපැල් දෙපාර්තමේන්තුවේ පවතින සේවක පුරප්පාඩුවලට කඩිනමින් විසඳුම් අපේක්ෂා කරමිනුයි මෙම වැඩ වර්ජනය ක්‍රියාත්මක වන්නේ.
කෙතරම් වගකිවයුතු පාර්ශ්ව වෙත දැනුම්දුන්න ද එය කිසිදු ප්‍රයෝජනයක් නොවීම හේතුවෙන් මෙම වැඩ වර්ජනය සිදු කරන බවත්, සේවකයින් අසනීප නිවාඩු යවා ඇති බවත් වාර්තා වනවා.
ඒකාබද්ධ තැපැල් සේවක වෘත්තීය සමිති එකමුතුව විසිනුයි මෙම වැඩ වර්ජනය ක්‍රියාත්මක කරන්නේ.
එය අද මධ්‍යම රාත්‍රිය දක්වා දිවයින පුරා තැපැල් ස්ථානවල ක්‍රියාත්මක වනු ඇති.
මෙවන් පසුබිමක් මත වහාම ක්‍රියාත්මක වන පරිදි සියලු තැපැල් සේවකයින්ගේ නිවාඩු අවලංගු කිරීමට තීරණය කර ඇති බව ද තැපැල්පති රුවන් සත්කුමාර ප්‍රකාශ කර තිබුණා.
