2024 ජනාධිපතිවරණයට අදාළ තැපැල් ඡන්ද සලකුණු කිරීම තුන්වන දිනටත් අද (06) සිදු කෙරෙනවා.
ඒ, අනුව අද (06) දිනයේ ත්‍රිවිධ හමුදා නිලධාරීන්ට සහ සෙසු සියලු රාජ්‍ය ආයතනවල කාර්යය මණ්ඩලවලට ඡන්දය සලකුණු කිරීමේ හැකියාව පවතිනවා.
ඊයේ (05) දිනයේ දී ද මෙම අංශ සඳහා තැපැල් ඡන්ද සලකුණු කිරීමට අවස්ථාව ලබාදී තිබූ අතර, ඊයේ දිනයේ ඡන්දය ප්‍රකාශ කිරීමට නොහැකි වූ පොලිස් නිලධාරීන් සදහා අද දිනයේ ද තැපැල් ඡන්දය ප්‍රකාශ කිරීම සදහා අවස්ථාව ලබා දී තිබෙනවා.
ජනාධිපතිවරණයට අදාළ තැපැල් ඡන්ද සලකුණු කිරීමේ කටයුතු පසුගිය 04 වනදා ආරම්භ වූ අතර, ඒ අනුව 04,05 සහ 06 යන දින තුන තැපැල් ඡන්දය වෙනුවෙන් වෙන්කර තිබෙනවා.
කිසියම් හේතුවක් මත මෙම දින තුන තුළ දී තැපැල් ඡන්ද සලකුණු කිරීමට නොහැකි වූ තැපැල් ඡන්දදායකෙකුට ලබන 11 සහ 12 යන දෙදින ද ඒ සඳහා වෙන්කර ඇති බවයි මැතිවරණ කොමිෂන් සභාව නිවේදනය.
ඒ, අනුව තම සේවා ස්ථානය පිහිටි දිස්ත්‍රික්කයේ, දිස්ත්‍රික් මැතිවරණ කාර්යාලවල දී එම දින දෙකේ දී තැපැල් ඡන්දය සලකුණු කිරීමට හැකියාව සැලසෙනවා.
