2024 ජනාධිපතිවරණයේ තැපැල් ඡන්ද ඉල්ලුම් කිරීම සම්බන්ධයෙන් මැතිවරණ කොමිෂන් සභාව විසින් නිවේදනයක් නිකුත් කරනු ලැබුවා.
එම නිවේදනයේ දැක්වෙන්නේ; ව්‍යාජ ප්‍රචාරවලට හසු නොවී මැතිවරණ කොමිෂන් සභාවේ නිල වෙබ් අඩවියේ තමන්ගේ ලියාපදිංචියට අදාළ තොරතුරු අනුව කටයුතු කරන ලෙසයි.
නානප්‍රකාර අයුරින් සමාජ මාධ්‍ය ඔස්සේ ප්‍රචාරය කරන ඇතැම් දැන්වීම් සම්බන්ධයෙන් කොමිෂන් සභාවේ කිසිදු වගකීමක් නොමැති බව ද එහි සඳහන්.
ඇතැම් තොරතුරු අසත්‍ය සහ ජනතාව නොමග යවන සුළු ප්‍රචාරයන් බව ද මැතිවරණ කොමිසම නිවේදනය කර තිබෙනවා.
ඉදිරි ජනාධිපතිවරණයේ ඡන්ද විමසීමේ දී තැපැල් ඡන්ද අයදුම්පත් භාරගැනීම 2024 අගෝස්තු මස 05 වැනිදායින් අවසන් බවත් එහි සඳහන්.
