එළඹෙන ජනාධිපතිවරණයට අදාළ තැපැල් ඡන්ද පත්රිකා බෙදාහැරීමේ කටයුතු 95% කින් පමණ අවසන් කර ඇති බව තැපැල් දෙපාර්තමේන්තුව පවසනවා.
හමුදා කඳවුරු වෙත බෙදාහැරීමට නියමිත තැපැල් ඡන්ද පත්රිකා කොටසක් පමණක් තවමත් ඉතිරිව ඇති බවයි එම දෙපාර්තමේන්තුව සඳහන් කළේ.
එලෙස ඉතිරි වී ඇති තැපැල් ඡන්ද පත්රිකාහෙට (02) දිනයේ දී බෙදාහැරීමට නියමිත බවයි වාර්තා වන්නේ.
2024 ජනාධිපතිවරණයේ තැපැල් ඡන්ද විමසීම ලබන 04,05 හා 06 යන දිනවල සිදුකිරීමට නියමිතව ඇති අතර, එම දිනවල තැපැල් ඡන්දය පාවිච්චි කිරීමට නොහැකි වූ තැපැල් ඡන්දදායකයින්ට අමතර දිනයන් ලෙස 11 සහ 12 යන දින දෙක වෙන්කර තිබෙනවා.
මෙවර මැතිවරණයේ තැපැල් ඡන්දය සලකුණු කිරීම සඳහා සුදුසුකම් ලබා ඇති රාජ්ය සේවකයින් සංඛ්යාව 712,318ක්.
මේ අතර දිස්ත්රික් ලේකම් කාර්යාල, මැතිවරණ කොමිෂන් සභාවේ කාර්යාල නිලධාරීන්ට ලබන 04 වනදා තැපැල් ඡන්ද සලකුණු කිරීමට අවස්ථාව ලබා දී තිබෙනවා.
ඊට අමතරව පොලිස් ස්ථාන, ත්රිවිධ හමුදා කඳවුරු, විශේෂ කාර්ය බළකාය සහ සෙසු රාජ්ය ආයතන සේවකයන් 05 සහ 06 දිනවල දී තැපැල් ඡන්ද සලකුණු කිරීමට අවස්ථාව සැලසෙනවා.
.
