මෙවර මහ මැතිවරණයට තැපැල් ඡන්ද අයදුම්පත්ර භාරගැනීම අද (11) දහවල් 12න් අවසන් වීමට නියමිතයි.
අද දහවල් 12න් අවසන් වන තැපැල් ඡන්ද අයදුම්පත් භාරගැනීමේ ක්රියාවලියෙන් පසුව දහවල් 12 සිට 1.30 දක්වා විරෝධතා ගොනු කිරීම සිදු කළ හැකි බව මැතිවරණ කොමිෂන් සභාව නිවේදනය කරනවා.
ඉන් පසුව නාම යෝජනා භාර ගැනීම් සහ ප්රතික්ෂේප කිරීම් ගැන නිල වශයෙන් නිවේදනය කරන බවයි මැතිවරණ කොමිෂන් සභාව පැවසුවේ.
අද දිනයේ දී නාමයෝජනා භාර ගැනීම සහ ඇප මුදල් තැන්පත් කිරීම ද දහවල් 12ට අවසන් වනු ඇති.
තැපැල් ඡන්ද අයදුම්පත් භාරගැනීමේ කාලයේ ඔක්තෝබර් මස 08 වැනි දින මධ්යම රාත්රී 12න් අවසන් වීමට නියමිත ව පැවතිය ද එය දින දෙකක කාලයක් දීර්ඝ කිරීමටයි කොමිෂන් සභාව කටයුතු කළේ.
මෙවර පාර්ලිමේන්තු මහ මැතිවරණයේ තැපැල් ඡන්ද සලකුණු කිරීමේ දින ද ඊයේ (10) ප්රකාශයට පත් කෙරුණා.
මැතිවරණ කොමිෂන් සභාවේ සභාපති ආර්.එල්.ඒ.එම්. රත්නායක මහතා පැවසුවේ ඔක්තෝබර් 30, නොවැම්බර් 01 සහ 04 යන තෙදින ඒ සඳහා වෙන් කර ඇති බවයි.
මේ වනවිට මැතිවරණ කොට්ඨාස 22ක් යටතේ ස්වාධීන කණ්ඩායම් 293ක් ඇප මුදල් තැන්පත් කර ඇති අතර ස්වාධීන කණ්ඩායම් 46ක් සහ පිළිගත් දේශපාලන පක්ෂ 42ක් නාම යෝජනා භාර දී තිබෙනවා.
