තායිලන්තය සමරිසි විවාහ පනතට අනුමැතිය ලබා දී තිබෙනවා.
විදෙස් මාධ්‍ය වාර්තා කළේ නව වසරේ ජනවාරියේ සිට සමරිසි විවාහ වීමට එරට තුළ ඉඩකඩ ඇති බවයි.
ඒ සඳහා වන පනතට එරට තායි රජු මහා වජිරලොංකෝන් විසින් ඊයේ (24) රාජකීය ගැසට් පත්‍රයට අත්සන් තබා තිබෙනවා.
තායි රජු සහ ඔවුන්ගේ රජය විවාහ සමානාත්මතාව උදෙසා ගත් මෙම තීරණයට සමාජ ක්‍රියාකාරීන් සහ බොහෝ දෙනෙකුගේ ප්‍රශංසාව හිමි ව ඇති බවයි වාර්තා වන්නේ.
තායිලන්තය අග්නිදිග ආසියාවේ සමලිංගික විවාහ පිළිගත් පළමු රට බවට ඒ අනුව පත් වුණා.
නීති සම්පාදනය දින 120කින් ක්‍රියාත්මක වීමට නියමිත බවත්, එනම් LGBTQ+ ජෝඩුවලට ලබන වසරේ ජනවාරි මාසයේ දී තම විවාහය ලියාපදිංචි කිරීමට හැකි වනු ඇති බවත් වාර්තා වනවා.
තායිවානය සහ නේපාලයට පසුව සමලිංගික ජෝඩුවලට නීත්‍යනුකූලව විවාහ විය හැකි ආසියාවේ තුන්වන ස්ථානය තායිලන්තය බවට පත් ව තිබෙනවා.
ඕනෑම ලිංගභේදයක විවාහ සහකරුවන් සඳහා පූර්ණ නෛතික, මූල්‍ය සහ වෛද්‍ය අයිතිවාසිකම් ලබාදෙන බවත් එය “පිරිමි”, “කාන්තාවන්”, “සැමියන්” සහ “භාර්යාවන්” වෙනුවට ස්ත්‍රී පුරුෂ සමාජභාවය – උදාසීන යෙදුම් භාවිතා කරන අතර, සමලිංගික ජෝඩු සඳහා දරුකමට හදා ගැනීමේ සහ උරුමය අයිතිවාසිකම් ද ලබා දී මෙම නීතියෙන් ලබා දී තිබීම විශේෂත්වයක්.
