“බෙදුම්වාදය” සම්බන්ධයෙන් වසර නවයක සිර දඬුවම් නියම වූ තායිවාන දේශපාලන ක්‍රියාකාරිකයෙකු වරදකරු කිරීම චීන රජය වහාම අවලංගු කර නිදහස් කළ යුතු බව හියුමන් රයිට්ස් වොච් පවසනවා.
2024 අගෝස්තු 26 වන දින, චීනයේ Zhejiang පළාතේ උසාවියක්, 34 හැවිරිදි Yang Chih-yuan, තායිවානයේ සිදු කරන ලද දේශපාලන ක්‍රියාකාරකම් සඳහා වරදකරු කරනු ලැබුවා.
චීනයේ අපරාධ නීතියේ 103 වැනි වගන්තිය උල්ලංඝණය කරමින් රට දෙකඩ කිරීමට උත්සාහ කළ බවට චීන බලධාරීන් තායිවාන ජාතිකයෙකුට “බෙදුම්වාදය” චෝදනා කළ පළමු අවස්ථාව මෙයයි.
මෙම නීතිය සාමාන්‍යයෙන් භාවිතා වන්නේ චීන ජාතිකයන් වන උයිගර්, ටිබෙට් ජාතිකයන් සහ අනෙකුත් ජනවාර්ගික කණ්ඩායම්වලට දේශපාලනිකව අභිප්‍රේරිත නඩු පැවරීමේදීයි.
“ජාතික ආරක්ෂක නීතියක් භාවිතා කිරීම සහ දරුණු සිර දඬුවමක් භාවිතා කිරීම, තායිවාන ජනතාව බිය ගැන්වීමට සහ තායිවානය කෙරෙහි ස්වෛරීභාවය පිළිබඳ එහි ප්‍රකාශයන් ශක්තිමත් කිරීමට බීජිනයේ නවතම උත්සාහය ලෙස පෙනේ.” හියුමන් රයිටස් වොච් නිවේදනයක් නිකුත් කරමින් පැවසුවා.
2022 අගෝස්තු 3 වන දින, යැං ජීවත් වීමට චීනයට පැමිණ මාස හතකට වැඩි කාලයකට පසු, චීන බලධාරීන් ඔහුව Zhejiang පළාතේ Wenzhou හි රඳවා තබනු ලැබුවා.
2023 අප්‍රේල් මාසයේදී ඔහු “බෙදුම්වාදී” ක්‍රියාකාරකම් සම්බන්ධයෙන් විධිමත් ලෙස අත්අඩංගුවට ගනු ලැබුවා.
යැංගේ “අපරාධ” අතරට තායිවාන ජාතික පක්ෂය නමින් සුළු දේශපාලන පක්ෂයක් පිහිටුවීම සහ 2008 සහ 2020 අතර තායිවානය එක්සත් ජාතීන්ගේ සංවිධානයට ඇතුළත් කිරීම ප්‍රවර්ධනය කිරීම ඇතුළත් වනවා.
