සැලකිය යුතු ආතතීන් උත්සන්න කරමින්, තායිවානය වාර්තා කළේ, චීනයේ මහජන විමුක්ති හමුදාවේ (PLA) ගුවන් යානා 17 ක් සහ මහජන විමුක්ති හමුදා නාවික (PLAN) යාත්රා 8 ක් තායිවානය අවට ක්රියාත්මක වන බව ඊයේ (26) උදෑසන 6 වන විට අනාවරණය වූ බවයි.
ජාතික ආරක්ෂක අමාත්යාංශයට අනුව, චීන ගුවන් යානා 10ක් තායිවානයේ නිරිතදිග ගුවන් ආරක්ෂක හඳුනාගැනීමේ කලාපයට (ADIZ) ඇතුළු වී ඇතැයි, තායිවානයේ සන්නද්ධ හමුදාවන්ගෙන් ප්රතිචාරයක් ලැබී තිබෙනවා.
තායිවානයේ ගුවන් සීමාව සහ මුහුදු සීමාවේ චීන හමුදාවන් රැඳී සිටීමට ප්රතිචාර වශයෙන් තායිවාන හමුදා අවශ්ය ක්රියාමාර්ග ගනිමින් තත්ත්වය සමීප ව නිරීක්ෂණය කර ඇතැයි ආරක්ෂක අමාත්යාංශය නිවේදනය කළා.
මෙම වර්ධනය බීජිං සහ තායිපේ අතර ස්වෛරීභාවය සහ කලාපීය ආරක්ෂාව පිළිබඳ ගැටලු සම්බන්ධයෙන් පවතින ආතතීන් පිළිබිඹු කරනවා.
ප්රදේශයේ ඉහළ හමුදා ක්රියාකාරකම් මධ්යයේ තම භෞමික අඛණ්ඩතාව ආරක්ෂා කිරීමට සහ කලාපීය ස්ථාවරත්වය පවත්වා ගැනීමට තායිවානයේ කැපවීම ජාතික ආරක්ෂක අමාත්යාංශය නැවත අවධාරණය කළා.
තායිවාන සමුද්ර සන්ධියේ සාමය සහ ස්ථාවරත්වය පවත්වාගෙන යාමේ වැදගත්කම අවධාරණය කරමින් එක්සත් ජනපදය සහ අනෙකුත් කලාපීය මිත්ර රටවල් මෙම තත්ත්වය සමීපව නිරීක්ෂණය කරමින් සිටිනවා.
