ත්රිකුණාමලය නගරයේ ඇති පෞද්ගලික රෝහලක් තුළ කාන්තාවක් තියුණු ආයුධයකින් පහර දී ඝාතනය කර තිබෙනවා.
පොලිස් මාධ්‍ය ප්‍රකාශක කාර්‍යාලය නිවේදනයක් නිකුත් කරමින් සඳහන් කළේ ත්‍රි’මලේ පොලිසිය ලද පැමිණිල්ලක් මත මේ වනවිට විමර්ශන ආරම්භ කර ඇති බවයි.
මෙලෙස මියගොස් ඇති කාන්තාව 63 හැවිරිදි එම රෝහලේ ම නේවාසිකව පදිංචිකාරිණියක් බවත් වාර්තා වනවා.
මරණකාරිය විදෙස්ගත ව සිට වෛද්‍යවරයෙකු වන තම ස්වාමි පුරුෂයාට අයත් එම රෝහලේම තුන්වැනි මහලේ පිහිටි නේවාසික කාමරයට පැමිණෙමින් සිටියදී මරණකාරියගේ සහෝදරයා විසින් අදාළ ඝාතනය සිදු කර ඇති බවයි හෙළි ව ඇත්තේ.
ඝාතනය සිදු කිරීමට හේතුව මෙතෙක් අනාවරණය වී නැහැ.
ඝාතකයා වන මරණකාරිණියගේ සහෝදරයා වන 55 හැවිරිදි සැකකරු පොලිස් අත් අඩංගුවට ගෙන තිබෙනවා.
ඔහු ද එම මහලේ ම නේවාසික ව පදිංචිව සිටින බවයි වාර්තා වන්නේ.
මෘත ශරීරය මහේස්ත්‍රාත් පරීක්ෂණය සඳහා සිදු වූ ස්ථානයේ ම තබා තිබෙනවා.
ත්රිකුණාමලය පොලිසිය වැඩිදුර විමර්ශන ක්‍රියාත්මකයි.
