රජය විසින් පාර්ලිමේන්තුවට ඉදිරිපත් කර තිබෙන ත්රස්ත විරෝධි පනත් කෙටුම්පතේ ඇතැම් වගන්ති ආණ්ඩුක්රම ව්යවස්ථාවට පටහැණි යැයි තීන්දු කරන ලෙස ඉල්ලා ශ්රේෂ්ඨාධිකරණය හමුවේ තවත් පෙත්සම් 02ක් ගොනුකර තිබෙනවා.
නීතිඥ එකමුතුව වෙනුවෙන් ආචාර්ය දීපිකා උඩුගම විසින් එක් පෙත්සමක් ඉදිරිපත් කළා.
පෙරටුගාමී සමාජවාදී පක්ෂයේ ප්රචාරක ලේකම් දුමින්ද නාගමුව විසින් අනෙක් පෙත්සම ඉදිරිපත් කරනු ලැබුවා.
පෙත්සම්කරුවෝ කියා සිටින්නේ අදාළ පනත් කෙටුම්පතේ අන්තර්ගත විධිවිධානවලින් යුද හමුදාව,පොලිසිය සහ වෙරළාරක්ෂක බලකායට ඕනෑම පුද්ගලයකු සාධාරණ හේතුවක් නොමැතිව අත්අඩංගුවට ගෙන රඳවා ගැනීමේ බලය ලබා දී තිබෙන බවයි.
මේ තුළින් ආණ්ඩුක්රම ව්යවස්ථාව මඟින් සහතික කර තිබෙන පුද්ගල නිදහස, අදහස් ප්රකාශ කිරීම නිදහස ඇතුළු මූලික අයිතීන් උල්ලංඝනයවන බවත් පෙත්සම්කරුවෝ පෙන්වා දෙනවා.
එබැවින් අදාළ පළාත් කෙටුම්පත සම්මත කිරීමට අවශ්ය නම් පාර්ලිමේන්තුවේ තුනෙන් දෙකක බහුතර ඡන්දයකින් සහ ජනමත විචාරණයකින් එය අනුමත විය යුතු බවට තීන්දුවක් ලබා දෙන ලෙසත් ඔවුන් ශ්රේෂ්ඨාධිකරණයෙන් ඉල්ලා තිබෙනවා.
මෙම පනත් කෙටුම්පත අභියෝගයට ලක් කරමින් ජාතික ජන බලවේගයේ පාර්ලිමේන්තු මන්ත්රී විජිත හේරත්, අන්තර් සමාගම් සේවක සංගමයේ කැඳවුම්කරු වසන්ත සමරසිංහ, සමාජවාදී තරුණ සංගමය ඇතුළු පිරිසක් විසින් පෙත්සම් ඉදිරිපත් කර තිබෙනවා.
