ශ්රී ලංකා නාවික හමුදාව, වෙරළ ආරක්ෂක දෙපාර්තමේන්තුව හා එක්ව කිලිනොච්චිය, කල්පිටිය සහ ත්රිකුණාමලය යන මුහුදු ප්රදේශයන්හි සැප්තැම්බර් මස 13 සහ 14 දෙදින සිදුකළ සෝදිසි මෙහෙයුම් මගින් විදුලි ආලෝක ධාරා භාවිතයෙන් සහ නීති වීරෝධී දැල් භාවිතයෙන් ධීවර කටයුතු සිදුකළ පුද්ගලයින් 18 දෙනෙකු සමග ඩිංගි යාත්රා 09ක් සහ නීති විරෝධී ධීවර ආම්පන්න නාවික හමුදා භාරයට ගැනීමට කටයුතු කෙරුණා.
නාවික හමුදා මාධ්ය අංශය පැවසුවේ; මෙරටට අයත් මුහුද සහ වෙරළ කලාපය ඔස්සේ සිදු කෙරෙන නීතිවිරෝධී ධීවර කටයුතු මැඩපවත්වා, නිත්යනුකූල ධීවර කටයුතු ප්රවර්ධනය කිරීම වෙනුවෙන් නාවික හමුදාව නිරන්තර අවධානයෙන් සිටිමින් මෙලෙස මෙහෙයුම් ක්රියාත්මක කරන බවයි.
උතුරු නාවික විධානයට අයත් වෙත්තලකේනි නාවික ස්ථානගත කිරීම මගින් කිලිනොච්චිය – චලෙයි ප්රදේශයට ඔබ්බෙන් වූ මුහුදු ප්රදේශයේ දීයි මෙම මෙහෙයුම සිදු කළේ.
මෙම මෙහෙයුම් මගින් නාවික හමුදා භාරයට ගැනුණු සැකකරුවන් අවුරුදු 18 ත් 61 ත් අතර වයසේ පසුවන වව්නියා, මුලිතිව්, යාපනය, කල්පිටිය, ත්රිකුණාමලය සහ කින්නියා යන ප්රදේශයන්හි පදිංචිකරුවන්.
එම සැකකරුවන් සමග ඩිංගි යාත්රා සහ නීතිවිරෝධී ධීවර ආම්පන්න යාපනය සහ පුත්තලම ධීවර හා ජලජ සම්පත් දෙපාර්තමේන්තු කාර්යාල වෙත සහ කොඩ්බේ ධීවර පරීක්ෂක කාර්යාලය වෙත ඉදිරි නීතිමය කටයුතු සඳහා භාරදීමට කටයුතු කෙරුණු බවයි නාවික හමුදා මාධ්ය අංශය නිවේදනය කළේ.
