ඇෆ්ගනිස්තානයේ තලෙයිබාන් නායක මුල්ලා හිබතුල්ලා අකුන්සාදා විසින් එරට කාන්තාවන් සම්බන්ධයෙන් නිල නිවේදනයක් නිකුත් කර ඇති බව විදෙස් මාධ්‍ය වාර්තා කර සිටිනවා.
ඇෆ්ගනිස්තානයේ අනාචාරයේ හැසිරෙන කාන්තාවන් ප්‍රසිද්ධියේ ගල් ගසා මරණයට පත්කිරීමේ දඬුවම යළිත් ක්‍රියාත්මක කිරීමට තීරණය කළ බව එම නිවේදනයෙන් සදහන් කර තිබෙනවා.
තවද රටේ පාලනය ලබාගැනීමෙන් පමණක් තලෙයිබාන් සංවිධානයේ කටයුතු අවසන් නොවන බවද සිය තීරණය නිවේදනය කරමින් තලෙයිබාන් නායකයා ප්‍රකාශ කර තිබෙනවා.
මේ සම්බන්ධයෙන් එක්සත් ජාතීන්ගේ සංවිධානය සදහන් කර සිටින්නේ, ඇෆ්ගනිස්තානයේ කාන්තාවන් හා දැරියන් සම්බන්ධයෙන් පවතින කොන්දේසි, ගෝලීය වශයෙන් ඉතාම දරුණු තත්ත්වයක පවතින බවයි.
