තරුණ ජනගහනයට දරුවන් හදාගැනීමට ඇති අවශ්යතාවය සහ අවධානය ක්රමික අඩුවෙමින් යන බව ශ්රී ලංකා ජනගහන විද්යාර්ථියින්ගේ සංගමයේ සභාපති මහාචාර්ය මනෝරි වීරතුංග පවසනවා.
මෙම තත්ත්වය අනාගතයේ රටේ ජනගහන තත්ත්වයන්වලට බලපෑමක් විය හැකි බවයි මහාචාර්යවරිය සඳහන් කළේ.
“ගොඩක් වෙලාවට තරුණ ජනගහනයට තියනවා ලොකු කාර්ය භාරයක්. සමහර වෙලාවට තමන්ගේ දෙමව්පියෝ වියපත් භාවයට පත්වෙලා තියනවා. තව ආර්ථික ගැටළු තියනවා. ඒ නිසා මෙහොල්ලොන්ගේ අවධානය ගිලිහිලා ගිහිල්ලා තියනවා තමන්ට ලබාගන්න දරුවන් ප්රමාණය පිළිබඳව. මේක අනාගතයේ දී අවධානය යොමුකරන්න ඕන.”
ශ්රී ලංකා ජනගහන විද්යාර්ථින්ගේ සංගමය විසින් පවත්වනු ලබන වාර්ෂික ජනගහන සම්මන්ත්රණය කොළඹ සිරිමාවෝ බණ්ඩාරනායක සම්මන්ත්රණ ශාලා පරිශ්රයේ දී (27) ඊයේ ආරම්භ කෙරුණා.
එම අවස්ථාවට එක්වෙමින් ශ්රී ලංකා ජනගහන විද්යාර්ථියින්ගේ සංගමයේ සභාපති මහාචාර්ය මනෝරි වීරතුංග මෙම අදහස් පළකලා.
“ජනගහන ගතිකයන්: අභියෝග සහ අවස්ථා” යන තේමාව යටතේ මෙවර සම්මන්ත්රණය සංවිධානය කර තිබුණා
ජාතික සංවර්ධන ක්රියාවලියට සහාය වීමට සාක්ෂි මත පදනම් වූ සංවාදයක් ප්රවර්ධනය කිරීම වෙනුවෙන් ශ්රී ලංකාව ඇතුළු පුළුල් කලාපයට බලපාන ප්රධාන ජනගහන ගැටළු සාකච්ඡා කිරීම සදහා විද්වතුන්, ප්රතිපත්ති සම්පාදකයින්, සංවර්ධන වෘත්තිකයන්, පර්යේෂකයින් සහ සිසුන් එක් වේදිකාවකට ගෙන ඒම මෙම සම්මන්ත්රණය මගින් සිදු කෙරෙනවා.
Rate kalayakasita pawathina arthika awinischitha bawa tharuna janagrahanaye mulika awasyatha yuga diwiyak gathakirma sanda paramanawath watupak nolabima pradana washayen balapa atha