දීර්ඝ කාලයෙක සිට සිය යතුරුපැදිය යොදා ගනිමින් අයිස් සහ මත්කරල් ජාවාරමේ නිරත ව සිටි පුද්ගලයෙකු පොලිස් විශේෂ කාර්‍යය බලකාය අත්අඩංගුවට ගෙන තිබෙනවා.
මෙම සැකකරුව අත් අඩංගුවට ගෙන ඇත්තේ විශේෂ කාර්ය බලකාය උතුරු පළාත් විශේෂ වැටලීම් ඒකකයේ නිලධාරීන්ට ලද තොරතුරකට අනුව අරන්තලාව කඳවුරු නිලධාරීන් විසින් ඊයේ (25) දෙහිඅත්තකණ්ඩිය, සඳුන්පුර – උත්තලපුර පන්සල අසල ප්‍රදේශයේ දීයි.
සැකකරු අත්අඩංගුවට ගන්නා අවස්ථාවේදී ඔහු සන්තකයේ තිබී අයිස් මත්ද්‍රව්‍ය ග්‍රෑම් 11යි මිලිග්‍රෑම් 50ක් සහ
PREGAB වර්ගයේ මත්කරල් පෙති 330 ක් තිබී තිබෙනවා.
සැකකරු උත්තලපුර, දමනේවෙල ප්‍රදේශයේ පදිංචි වයස අවුරුදු 19ක පුද්ගලයකු බවත් ඔහු සන්තකයේ තිබී ජංගම දූරකථනයක් සහ සිම්පත් 04ක් සොයා ගැනුණා.
සැකකාර පුද්ගලයා වැඩිදුර විමර්ශන කටයුතු සඳහා දෙහිඅත්තකණ්ඩිය පොලිස් ස්ථානය වෙත භාර දී ඇති බවයි පැවසෙන්නේ.
