පසු ගිය දා නිමාවට පත් වූ සංචාරක ඕස්ට්රේලියානු කණ්ඩායම සහ දකුණු අප්රිකාව කණ්ඩායම අතර ටී ටුවෙන්ටි තරගාවලියේ දැක්වූ දක්ෂතා මත පදනම්ව දකුණු අප්රිකානු යොවුන් ක්රීඩක ඩිවෝල්ඩ් බ්රෙවිස් අන්තර්ජාතික ටි ටුවෙන්ටි පිතිකරුවන් ශ්රේණිගත කිරීම්වල ස්ථාන 89කින් ඉදිරියට පැමිණෙමින් 12වන ස්ථානයේ මේ වන විට රැඳී සිටිනවා.
තරගාවලියේ මුල් තරගයේ ලකුණු 02ක් පමණක් ලබා ගත් බ්රෙවිස් දෙවන තරගයේදී විශිෂ්ඨ ශතකයක් රැස් කර ගැනීමට සමත් වුණා.
ඉනිමේ අවසන් පන්දුව තෙක් පිතකරණයේ නිරත වූ ඔහුට පන්දු 56ක් තුළ නොදැවී ලකුණු 125ක් රැස්කර ගැනීමට හැකි වූ අතර මෙම ශතකය හේතුවෙන් තරගාවලියේ දකුණු අප්රිකානුවන් විසින් ජයගත් එකම තරගය බවට මෙම තරගය පත් වුණා.
තුන්වන තරගයේද සුපුරුදු පිතිකරණ රිද්මයෙන් පිටියට පිවිසි මෙම යොවුන් දකුණු අප්රිකානු ක්රීඩකයා තම නාමය ඕස්ට්රේලියානු ප්රේක්ෂකයන්ගේ හිත් තුළ නොමැකෙන අයුරින් සටහන් කරමින් පන්දු 26ක් තුළ වේගවත් ලකුණු 56ක් රැස් කළා.
ඩිවෝල්ඩ් බ්රෙවිස් විසින් තරඟ 03ක් තුළ ලකුණු 180ක් රැස්කර ගත්තේ 204ක ප්රහාරාත්මක වේගයක් රඳවා ගනිමින්.
