සුපිරි ඉන්දීය නළු විජේගේ තමිලගා වෙට්‍රි කසාගම් පක්ෂය 2026 තමිල්නාඩු සභා මැතිවරණයේ දී ඓතිහාසික ජයග්‍රහණයක් ලබාගැනීමට සමත් වුණා.
මෙවර ප්‍රාන්ත මහ මැතිවරණය සඳහා ඉදිරිපත් වූ තලපති විජේගේ රියදුරා වන රාජේන්ද්‍රන්ගේ පුත්‍රයා වන ආර්. සබරිනාදන්ට ද මන්ත්‍රී ආසනයක් ජයග්‍රහණය කිරීමට හැකිව ඇති බව ඉන්දීය මාධ්‍ය මේ වනවිට තොරතුරු වාර්තා කරනවා.
චෙන්නායි ලෝක් සභා මැතිවරණ කොට්ඨාශයට අයත් විරුගම්පාක්කම් ආසනය මෙලෙස ආර්. සබරිනාදන් ජයග්‍රහණය කර ඇති බවයි වාර්තා වන්නේ.
මේ වනවිට 30 හැවිරිදි වියේ පසුවන ඔහු 2021 සහ 2016 වසරවල දී ආසනය දිනාගත් DMK පක්ෂයේ ප්‍රභාකර රාජා සහ ADMK පක්ෂයේ විරුගයි රවී, ඡන්ද 22,000 කට වඩා වැඩි ගණනකින් පරාජයට පත්කර තිබීම ද විශේෂත්වයක්.
සබරිනාදන්ව ඉංජිනේරු ක්ෂේත්‍රයේ වෘත්තිකයෙක් කිරීම ඔහුගේ පියාගේ බලාපොරොත්තුව වූ අතර, අවසානයේ දේශපාලනයට සම්බන්ධ වීමට ඔහුගේ කැමැත්ත ප්‍රකාශ කිරීමත් සමඟ විජේ වෙත යොමුව තිබෙනවා.
ඒ, අනුව තලපති විජේ විසින්, තම පුතාගේ තීරණයට සහාය දෙන ලෙස රාජේන්ද්‍රන්ට පවසා ඇති බවයි වාර්තා වන්නේ.
අනතුරුව 2024 දී චෙන්නායි වෙතපැමිණි සබරිනාදන් විධිමත් ලෙස TVK හා සම්බන්ධ වී බිම් මට්ටමේ වැඩ කිරීම ආරම්භකර තිබෙනවා.
එහිදී ඔහුට මෙවර මහ මැතිවරණයේ දී විරුගම්බක්කම් ආසනයෙන් තරග කිරීමට විජේ අවස්ථාව ලබා දී ඇති බවයි තොරතුරු වාර්තා වුණේ.
ද
