තද සුළං පිළිබඳ කාලගුණ විද්‍යා දෙපාර්තමේන්තුවේ ස්වභාවික විපත් පිළිබඳ පූර්ව අනතුරු ඇඟවීමේ මධ්‍යස්ථානය විසින් අවවාදාත්මක නිවේදනයක් නිකුත් කර තිබෙනවා.
ඒ මධ්‍යම සහ සබරගමුව පළාත් සඳහායි.
අද පස්වරු 4.30ට මෙම නිවේදනය නිකුත් කරනු ලැබුවේ හෙට පස්වරු 4.30 දක්වා වලංගු වන ආකාරයෙන්.
අදාළ නිවේදනයේ දැක්වෙන්නේ දිවයින හරහා නිරිතදිග මෝසම් සුළං ප්‍රවාහයේ වැඩි වීම හේතුවෙන් මධ්‍යම සහ සබරගමුව පළාත්වල විටින් විට හමන පැයට කිලෝමීටර් 50ක 60ක පමණ තද සුළං ඇතිවිය හැකි බවයි.
