අමෙරිකාවේ 47 වැනි ජනාධිපතිවරයා ලෙස සිය ජනාධිපති දිවියේ දෙවැනි වරටත් රිපබ්ලිකන් අපේක්ෂක ඩොනල්ඩ් ට්රම්ප් තේරීපත් වීමේ වැඩි ඉඩකඩක් පවතින බව විදෙස් මාධ්ය වාර්තා කරනවා.
ඒ මේ වනවිටත් එරට මැතිවරණ විද්යාලය මගින් ජනපති සටනේ ඡන්ද ප්රතිඵල නිකුත් කරමින් ඇති පසුබිමක නිකුත් වී ඇති ඡන්ද ප්රතිඵල දෙස බැලීමේදි ට්රම්ප් හැරිස්ට වඩා සෑහෙන්න ඉදිරියෙන් සිටින බවයි නිරීක්ෂණය වන්නේ.
ඩොනල්ඩ් ට්රම්ප් ජනාධිපති සටනේ දී දැනට ආසන 247ක් ජයග්රහණය කර තිබෙනවා.
එය ප්රතිශතාත්මක ව සියයට 51.72ක වර්ධනයක්.
ඩිමොක්රටික් පක්ෂයේ ජනාධිපති ධුර අපේක්ෂිකා කමලා හැරිස් දිනා ඇති ආසන ගණන 210ක් වන අතර ඇය අත්පත් කරගෙන ඇති ඡන්ද ජය ප්රතිශතාත්මකව 47.4%ක්.
බොහෝදෙනා කතාබහකට ලක් කළ එරට ප්රාන්ත 50න් ප්රධාන ප්රාන්ත වන නිව් යෝර්ක්, ඉලිනොයිස්, කැලිෆෝනියා, මැසචුසෙට්ස්, රොඩේ අයිලන්ඩ්, කනෙක්ටිකට්, නිව් ජර්සි, ඩෙලවෙයර්,මේරිලන්ඩ්, කොලොම්බියා ෆෙඩරල් රාජ්යය යන ප්රමුඛ පෙළේ ප්රාන්තවල ප්රබල ජයක් හිමිවුණේ කමලා හැරිස් හටයි.
ඩොනල්ඩ් ට්රම්ප් විසින් කවුරුත් බලා සිටි ජෝර්ජියා, මොන්ටානා, ඉදහො, නෝර්ත් ඩකොටා, සවුත් ඩකොටා, ලුසියානා, ටෙක්සාස්, මිචිගන්, ෆ්ලොරීඩා, මිසිසිපි, කැන්සාර්, බටහිර වර්ජිනියා ආදි ප්රාන්ත ගණනාවක ජයග්රහණය තමන් සතු කරගත්තා.
එමෙන්ම මෙවර නැවතත් තමන් ලෝක බලවතා බවට පෙන්වීමට ඩොනල්ඩ් ට්රම්ප්ට අවශ්ය ව ඇත්තේ ආසන 23ක ජයග්රහණයක් පමණක් වන අතර හැරිස්ට තවත් ආසන 60ක ජයක් අවශ්ය වනවා.
මේ අතර ප්රධාන ධාරාවේ ජනපති අපේක්ෂකයින්ට අමතර ව මෙවර තවත් අපේක්ෂකයින් දෙදෙනකු සටනට ඉදිරිපත් ව ඇති අතර ග්රීන් පාටි තුළින් ජිල් ස්ටයින් සහ ස්වාධීන අපේක්ෂකයෙකු ලෙස රොබට් කෙනඩි තරග වදිනවා.
ඔවුන් දෙදෙනා පිළිවෙළින් හිමිකරගෙන ඇති ඡන්ද සංඛ්යාව 536,389ක් සහ 525,774ක් වනවා.
